ان تكون سيلزاوي

ان تكون سيلزاوي

ان تكون سيلزاوي هي حياة خاصة لن يعرفها الي السيلزاوي, ان تكون سيلزاوي هي هي ان تكون سوبر مان باستثناء انك لا تطير بدون وسيلة طيران.

السيلزاوي شخصية معقدة التركيب تحتوي علي شخصيات كثيرة بداخلها يعني تقدر تقولي كدة عشرة او مية في واحد.

ان تكون سيلزاوي فيجيلك عميل ويسالك سؤالين في المنتج الي بتقدمة ثم كثير من الاسئلة الشخصية وانت بتجيب باحتراف وحذر شديد في اجزاء من الثانية عشان مش تجاوب اجابة صريحة وفي نفس ذات الوقت متحرجوش وعقلك الباطن يصرخ بداخلك بجملة واحدة(( قولة وانت مال امك قولة وانت مال امك)) وانت قاعد مش قادر تقولها عشان سب الذات العميلية بقت تهمة تعاقب عليها شركات المبيعات زي سب الذات الملكية كدة.

ان تكون سيلزاوي فتصبح قادر علي ان تتعامل مع كل الشخصيات باختلاف انواعها وتتعامل مع كل واحد زي ما هو حابب يشوفك, انا مثلا عندي عميل بيقولي وليد ياويكا وبقولة علي ياويكا مع انة اكبر مني بتاع 15 سنة وفي نفس الوقت الي بكون فية مع علي ويكا ويتصل بية سعادة اللواء واتحول الي شخصية عسكرية منضبطة لا يقول الي ايوة يافندم ماشي سعادتك تحت امرك معاليك ياقائد.

ان تكون سيلزاوي فتكون قادر علي معرفة المقالب المحتملة لو كنت شغال في شركة لا تعرف ثقافة فريق العمل فتبقي صاحي للمقالب والاسافين وعلي طول مخلي بالك لحد يطلش منك بيعة او عمولة.

ان تكون سيلزاوي فيكون عندك القدرة علي احتمال اقصي درجات الحرارة في الصيف مع اقصي درجات البرودة في الشتاء عشان توصل المناقصة بدري.

ان تكون سيلزاوي هو ان تكون شخصية عظيمة لا تجد التقدير الكافي لها في بلادنا ويتقال عليك مندوب مبيعات!!!

ان تكون سيلزاوي هو انك تكون شخص افضل من سوبر مان لانك حقيقي.

ان تكون سيلزاوي شيء لة حلاوة لن يعرفها الي السيلزاويين امثالي.